Një ngjarje tragjike ka ndodhur në qytetin Posusje të Bosnjës dhe Hercegovinës, ku tetë të rinj vdiqën në rrethana të dyshimta në natën e ndrrimit të moteve.

Gjatë ditë së sotme pritet që të filloj autopsia e të rinjve, për të zbuluar më shumë se cili ka qenë shkaku i vdekjes së tyre, transmeton arbresh.info.

Këta të rinjë ishin duke festuar në një vilë në qytetin Posusje.

Ministria e Brendshme e Kantonit të Hercegovinës Perëndimore dhe Prokuroria thanë se tani për tani gjithçka tregon se vdekja ndodhi për shkak të çlirimit të gazrave toksikë nga njësia, e cila ishte e vendosur në dhomën ndihmëse të vilës ku festuan Ivan Miličević, Stipe Romić, Mirela Rezo , Žana Pavković, Mia Soldo, Stipe Pavković, Marija Pavković dhe Stjepan Jukić, të gjithë të lindur në 2001.

Gjatë inspektimit është përcaktua që dritarja e vilës ishte gjysmë e hapur dhe ka shumë të ngjarë që në këtë mënyrë gazrat e shkarkimit, konkretisht monoksidi i karbonit, të i ketë mbytur tetë të rinj./Arbresh.info